Қазақстан Республикасы Қорғаныс министрлігі мен Қызыл крест халықаралық комитеті арасындағы 2023 жылғы ынтымақтастық жоспарын іске асыру мақсатында Қызыл кресттің миссиясымен а.ж. 22 маусымда Ұлттық қорғаныс университеті базасында халықаралық гуманитарлық құқықтан «Халықаралық гуманитарлық құқық саласында білім беру және дайындық» тақырыбында бір күндік семинар өтті. Семинардың мақсаты – халықаралық гуманитарлық құқықты оқыту тәртібін жеткізу және тәжірибе алмасу.