"ҚК Бас штабы академиясы" факультеті

ҚР Тұңғыш Президенті - Елбасы атындағы Ұлттық қорғаныс университеті бастығының орынбасары - "ҚК Бас штабы Академиясы" факультетінің бастығы

полковник

Лесов Ғани Сабитханұлы

Қазақстан Республикасы Қорғаныс министрінің директивасын іске асыру үшін 2010 жылғы 14 желтоқсанда Ұлттық қорғаныс университетінің әскери және мемлекеттік басқару факультеті құрылды. Қазақстан Республикасы Қорғаныс министрінің 2014 жылғы 26 тамыздағы бұйрығымен әскери және мемлекеттік басқару факультеті Бас штаб факультеті болып өзгертілді.

Факультет 6М101000 “әскери және мемлекеттік басқару” мамандығы бойынша стратегиялық және жедел-стратегиялық басқару буындарының әскери кадрларын дайындауға арналған.

Факультет университеттің ең маңызды оқу-ғылыми бөлімшелерінің бірі болып табылады.

Құрылған күннен бастап факультет жоғары деңгейдегі бірқатар әскери басқарушыларды даярлады,олар қазіргі уақытта Қазақстан Республикасының Қарулы Күштерінде негізгі лауазымдарда қызмет атқарады. Ол үшін Бас штаб факультетінде Қорғаныс министрлігі мен Бас штаб басшылығының тікелей қатысуымен барлық қажетті жағдайлар жасалған, жоғары білікті профессор-оқытушылар құрамы, ғылыми дәрежелері, өмірлік және қызметтік тәжірибесі мол запастағы генералдар мен офицерлер тартылды. Оқытушылардың көпшілігі Бас штаб академиясына баламалы білімі бар, Қазақстан Республикасының мемлекеттік наградаларының және шет мемлекеттердің наградаларының кавалерлері болып табылады, Қазақстан Республикасы Әскери ғылым академиясының мүше-корреспонденттері ретінде белсенді ғылыми жұмыс жүргізеді.

Қазақстан Республикасының Тұңғыш Президенті – Елбасы атындағы Ұлттық қорғаныс университетінің әскери іс-тәжірибесі мен оқу үдерісінің өзара іс-қимылын жетілдіру мақсатында “ҚК Бас штабының академиясы” факультетінде қазан айында Қазақстан Республикасы Қорғаныс министрлігі мен Бас штаб, Қарулы Күштер түрлері Департаменттерінің және бас басқармаларының бірінші басшыларымен сабақтар өткізілді.

Оқу сабақтары барысында магистранттарға негізгі міндеттер, құрамы мен құрылымы жеткізілді,сондай-ақ Қазақстан Республикасы Қарулы Күштерінің қазіргі келбетіне қойылатын талаптарға сәйкес әскер түрлерінің, тектерінің даму перспективалары талқыланды.