Әскери-гуманитарлық ғылымдар факультетінің тілдер кафедрасы

Әскери-гуманитарлық ғылымдар факультетінің тілдер кафедрасының бастығы

философия докторы (PhD), полковник

Исеев Руслан Рафаэльевич

2014 жылдың 1 тамызында құрылды.
Жоғары оқу орнынан кейінгі білім берудің (магистратура мен докторантураның барлық бағыттары мен мамандықтары) білім беру бағдарламасының базалық пәндер циклінің ЖОО компоненті шеңберінде жүргізілетін тілдер пәні бойынша білім алушылар арасында оқу, әдістемелік, ғылыми-зерттеу және тәрбие жұмысын жүзеге асырады.
Кафедра қызметінің мақсаты білім алушылардың мемлекеттік және шет тілдерін қолдана отырып, мамандығы бойынша ғылыми зерттеулерін тиімді жүргізуге, кәсіби қызметін жүзеге асыруға мүмкіндік беретін тілдік құзыреттіліктерді табысты меңгеруіне жағдай жасау болып табылады.

Кафедраның бастамасымен және ұйымдастырушылық қолдауымен Тәуелсіз Қазақстанның Қарулы Күштері тарихында алғаш рет екіжақты ынтымақтастық аясында белгіленді:
– 2020 жылдан бастап университеттегі ағылшын тілі оқытушылары Кембридж университетіне дайындық пен сертификаттаудан өту мүмкіндігіне ие;
– 2021 жылдан бастап академиялық ұтқырлық аясында Үндістан Республикасының оқытушылары университетте ағылшын тілінен білім беруде;
– 2022 жылы тілдер аудиторияларын интерактивті сенсорлық панельдермен – заманауи баламалы интерактивті тақталармен жабдықтау жобасын аяқтау жоспарланған;
– 2023 жылы International House және Peacekeeping English Project мекемелерімен бірлесе отырып, жетілдірілген пәнаралық компоненті бар ағылшын тілі оқулығын басып шығару жоспарланды.
Кафедраны 2014-2016 жылдары – ҚР ҚК қызметкері М.Ш. Әбілмажинова, 2016-2017 жылдары – полковник М.М. Шапиев, 2018-2019 жылдары – полковник Р.Б. Жақыпов басқарды.