8-25 қаңтар аралығында университетте қашықтықтан оқыту технологиясы бойынша оқитын Қазақстан Республикасының Қарулы Күштері командалық құрамының магистранттары мен докторанттарының қысқы емтихан сессиясы өтуде. Сессия «Қазақстан Республикасы Қорғаныс министрлігіне ведомстволық бағынысты әскери, оқу орындарында білім алушылардың үлгеріміне ағымдағы бақылауды, аралық және қорытынды аттестаттауды жүргізу қағидаларын бекіту туралы» ҚР Қорғаныс министрінің 2016 жылғы 22 қаңтардағы № 32 бұйрығына сәйкес өтеді.
Әрбір мамандық (біліктілік) бойынша емтихан сессиясын өткізу үшін комиссия құрамы тағайындалды. Сондай-ақ, емтихан билеттерін таңдау рәсімінің ашықтығы мен объективтілігін қамтмасыз ету мақсатында «Bilim Baqyt» (емтихан алушы) бағдарламалық қамтамасыз етуі әзірленіп, қолданылады.