2024 жылғы 14 қарашада Ташкент қаласында Өзбекстан Республикасы Қарулы Күштері академиясының базасында «Жаһандық геосаяси және геоэкономикалық трансформациялар және олардың өңірлік қауіпсіздікті қамтамасыз етуге және жанжалдардың алдын алуға әсері» тақырыбында VI Халықаралық ғылыми-теориялық конференция өтті.
Екі ел арасындағы екіжақты ынтымақтастық жоспары шеңберінде конференцияға Қазақстан Республикасы Ұлттық қорғаныс университетінің бастығы қауымдастырылған профессор, философия докторы (PhD) генерал-майор А.Д. Мұстабеков «Жаһандық геосаяси және геоэкономикалық трансформациялар және олардың Орталық Азия өңіріндегі қауіпсіздікті қамтамасыз етуге әсері» тақырыбында баяндамамен қатысты.
Мұндай іс-шаралар екіжақты қатынастарды нығайтады және жалпы Орталық Азия өңірінде қауіпсіздікті нығайтуға ықпал етеді.