2024 жылдың 10 желтоқсан күні Қазақстан Республикасының Ұлттық қорғаныс университетіне вице-адмирал Али Абдулла Мухаммед Аль-Шидидің және Қазақстан Республикасында Сұлтанат Оман елшісі Халид Хамед Мухаммед Мбарек Аль Гайлани бастауымен Сұлтанат Оман Ұлттық қорғаныс колледжінің делегациясы сапармен келіп кетті.
Сапармен келу аясында шетелдік делегацияның өкілдері университеттің ұйымдастырушылық құрылымымен және негізгі тапсырмаларымен танысты. Қонақтарға стратегиялық даму департаментімен «Қазақстан Республикасы Қарулы Күштерінің құрылымы мен дамуы» туралы брифинг ұсынылды.
Қорытындылай келе, Қазақстан Республикасының және Сұлтанат Оман жоғары әскери оқу мекемелері арасында екі жақты ынтымақтастықты дамыту туралы келісімге қол жеткізілді.
