Қазақстан Республикасының Тұңғыш Президенті
Елбасы Н. Ә. Назарбаев
Қазақстан Республикасының Президенті -
Жоғарғы Бас Қолбасшысы Қ. К. Тоқаев
«Қазақстан Республикасының құрметті азаматы» республикалық патриоттық конкурсының жеңімпазы Қарулы Күштердің әскери қызметшісі капитан Александр Доля болды.
Офицер Қазақстан Республикасының Тұңғыш Президенті – Елбасы атындағы Ұлттық қорғаныс университеті әскери ғылыми-зерттеу орталығының зерттеу қызметінің бастығы. Бұған дейін ол он ғылыми-зерттеу жұмыстарына қатысқан, оқу әдістемелік құралдарын құрастыруға, монографиялар, пайдалы модельдерге екі патенті және зияткерлік меншік туралы куәлігі бар, 40-тан астам ғылыми мақалалар мен баяндамалар жариялаған.
Әскери қызметші ТМД ғылыми-білім беру мекемелері арасында «Үздік жас ғалымдар-2020» жобасына қатысып, бірінші дәрежелі дипломмен және медальмен марапатталды. Александр «Елорда жастары сыйлығы – 2019» байқауының «Ғылым» номинациясы бойынша финалисті. Өткен жылы инновациялық, ғылыми, өнертапқыштық және рационализаторлық қызметте ғылыми қызметкерлер, профессорлық-оқытушылар құрамы және жас ғалымдар арасындағы байқауда үшінші орын алды.
Байқауды «Bilim-orkenieti» ұлттық инновациялық ғылыми-зерттеу орталығы Қазақстан Тәуелсіздігінің 30 жылдығына орай ұйымдастырды.
