Қазақстан Республикасының Тұңғыш Президенті
Елбасы Н. Ә. Назарбаев
Қазақстан Республикасының Президенті -
Жоғарғы Бас Қолбасшысы Қ. К. Тоқаев
Қазақстан Республикасының Тұңғыш Президенті – Елбасы атындағы Ұлттық қорғаныс университетінде Қорғаныс министрлігінің әскери оқу орындарының профессорлық-оқытушылық құрамымен біліктілікті арттыру курстары өткізілуде.
Коронавирустық инфекцияның таралуына жол бермеу мақсатында курстар алғаш рет онлайн-платформа базасында қашықтықтан оқыту форматында ұйымдастырылды.
Сабақтарды тек жақсы теориялық дайындығы ғана емес, сонымен қатар курстық даярлық бейіні бойынша практикалық тәжірибесі бар оқытушылар жүргізеді.
– Он күн ішінде әскери оқу орындарының профессорлық-оқытушылық құрамы онлайн-форматта өз әдістемелік жұмыстарының деңгейін арттырады, әскери педагогика және психология саласындағы ғылыми зерттеудің жаңа әдістерін меңгереді, сондай-ақ білім беру технологияларын енгізу кезіндегі заманауи инновациялық тәсілдермен танысады, – деп атап өтті «Біліктілікті арттыру институты» факультетінің бастығы полковник Бостан Өтебаев.
Курстық даярлықтың оқу бағдарламасы профессорлық-оқытушылық құрамның біліктілігін арттыруға және әскери пәндерді оқыту әдістемесін жетілдіруге бағытталған.
Курс аяқталғаннан кейін білім алушыларға олардың кәсіби деңгейінің біліктілік талаптарына, сондай-ақ педагогикалық қызметке арналған стандарттарға сәйкестігін растайтын сертификаттар беріледі.